• Kolfinna Kristínardóttir

Tikka Masala

Updated: Apr 25, 2019


Ég átti afgangs lambalæri eftir páskana og langaði ómögulega í meira af því, mér datt því í hug að gera tikka masala úr því. Ég geri yfirleitt þennan vinsæla rétt með kjúkling en það var jafn gott að nota niðurskorið lambalæri.


Það er gott að bera réttinn fram með blómkálshrísgrjónum og jógúrt sósunni og naan brauði.


Ég er að vinna í að læra að gera gott keto naan brauð og bæti því inn um leið og það tekst.


Ath það eru rosalega mörg hráefni í þessari uppskrift, þótt þið eigið ekki allt þá er það allt í góðu, smakkið ykkur bara áfram með það sem þið eigið til.



Marinering:

1 dl hrein jógúrt, 1 tsk túrmerik, ½ tsk garam masala, 1 matskeið sítrónusafi, garam masala, svartur pipar,


Ég mæli með að marniera kjúklingin helst yfir nótt og taka svo út nokkrum tímum fyrir eldunina svo kjötið nái stofuhita - vinur minn Gordon Ramsey sagði í masterclass hjá sér að það ætti alltaf að elda kjúkling við stofuhita til að viðhalda safanum í honum. Að elda kaldan kjúkling = þurr kjúklingur.


Ég mæli einnig með því að nota úrbeinuð læri frekar en bringur - meiri fita í þeim sem er fullkomið fyrir ketó mataræðið en einnig betra kjöt í svona rétti.


Tikka masala (Uppskriftin miðast við fyrir 2-3):


2-3 matskeiðar olía

Dós af kókósmjólk

1 teskeið ferskt engifer

2-3 hvítlauskrif

1 laukur (lítill)

1 ferskur chilli

3 ½ matskeið af garam masala*

60 gr tómatpúrra

Salt eftir smekk

Fersk kóríander


*Ef þið eigið ekki til garam masala (ég keypti í usa) þá er hægt að blanda saman jöfnum hlutföllum af kúmen, kóríander, kardimommum, pipar, kanil, negull og múskati.


Aðferð:

Skerið laukinn og hvítlaukinn mjög smátt og steikið upp úr olíu þar til hann brúnast. Bætið svo við smátt skornu engifer og chilli og haldið áfram að steikja á miðlungshita í um 10 mín. Bætið smá vatni út á pönnuna og látið malla í um 10 mín. Bætið svo við kryddunum. Ef grænmetið byrjar að steikjast við pönnuna (verða stökkt) bætið þá við meira vatni. Næst er tómatpúrrunni bætt við og látið malla, svo kókósmjólinni. Munið að smakka reglulega til að sjá hvort það vantar meira salt eða önnur krydd.


Steikið kjúklinginn á annarri pönnu (eða hvaða kjöt sem þið eruð með) og setjið svo út á sósuna, þar sem ég var með afgangs lambalæri skar ég það í litla bita og bætti út í sósuna. Að lokum er stráð ferskum kórídaner yfir allt.



1,424 views0 comments

Recent Posts

See All