Kalkúnabollur

Kalkúnabollurnar eru sumarlegar og góð tilbreyting frá hinum hefbundnu nautakjöts-kjötbollum, ekki skemmir að kalkúnahakkið er mjög ódýrt. Ferska steinseljan er algjört must í þessari uppskrift en hún gerir þær ótrúlega bragðgóðar. Ég gerði gúrkusalat og jógúrtsósu með bollunum.

Kalkúnabollur:

600 gr kalkúnahakk (keypti frosið úr bónus)

1 egg

1 lítill rauðlaukur

1 bolli af ferskri steinselju

3 matskeiðar möndlumjöl

Salt og pipar

Öllu blandað saman og mótaðar litlar bollur. Brúnaðar á pönnu, þar til þær lokast, í sirka 5 mín. Eldaðar í ofni á 200 gráðum í 12 mín.

Gúrkusalat:

Rauðlaukur og gúrka smátt skorið

Dass af ólífuolíu

Salt, pipar, dill eftir smekk.

Ég mæli með keto naan brauði með þessum rétt.